Beauty Tips – Dry or Oily Skin Care Kaise Kare Jane Hindi Me.

1
12

Beautiful skin sabhi ko achi lagti hai lekin pimples or jhariya skin ki sundarta kharab kar deti hai. Dry or Oily Skin ki wajah se bhi skin par daag dhabe aur kil muhanse nikalte rehte hai. in problems se chutkara pane ke liye bahut se log market mein milne wale beauty products use karte hai jo mehenge hone ke bawjood bhi jada asardar nahi hote aur inke side effects bhi ho sakte hai.

beauty tips

 

Beauty Tips – Dry or Oily Skin Care Ayurvedic Nuskhe or Gharelu upay se kaise kare.

Tavacha me tel hone se blackheads, pimples, whiteheads or skin mein jalan jesi samasya hoti hai. Kuch logo me ye problem genetic ke karan hoti hai or kuch logo me beauty products ke side effect ki wajah se ho jati hai. Oily face ke liye yaha bataye natural homemade ayurvedic face pack bana kar lagaye.

Beauty Tips – Oily Skin Gharelu aur Ayurvedic Nuskhe.

  • Tavacha me badhe hue oil ko sokhne mein dahi bahut upyogi hai. Dahi ko chehre par laga kar chod de aur 15 minute baad chehra dho le.
  • Dahi, besan haldi aur chawal ka aata mix karke paste bana le. Is paste ko chehre par lagane se chehre par jama oil khatam ho jata hai aur face glow karta hai. Is upay se chehre ke pimples aur kale daag dhabe bhi saaf ho jate hai.
  • Pudine ke ras mein nimbu ka ras aur shahad mila kar chehre par lagane se bhi
    oily skin ka ilaj hota hai.
  • Multani mitti, haldi aur chandan ka lep face ki nami sokh leta hai aur tavacha oil free hoti hai. Is desi nuskhe ko karne se chehre ki tavacha tight hoti hai aur face fresh dikhta hai.
  • Oily skin ka upay karne ke liye kheera, kakdi aur kache aalu ko chehre par ragde.
  • Ande (egg) ki safedi oily face ko tone karne aur tavacha ko tight karne mein kargar hai. 1 anda tod kar iska safed hissa chehre par lga kar 15 minute ke liye chod de fir dho le. Ande ke safed bhag mein aap thoda nimbu ka ras bhi mila sakte hai.

Oily Skin Beauty Tips in Hindi.

  • Oily skin ho to face ko sabun se wash kare.
  • Dhoop mein bahar jane se pahle sunscreen lotion lagaye.
  • Tala hua khana, chini aur fatty food khane se parhej kare.
  • Makeup ka paryog kam kare.

Beauty Tips – Dry Skin ke Gharelu aur Ayurvedic Nuskhe.

Rukhi tavacha ko oily ke mukable jada care chahiye hoti hai kyuki jiski tavacha dry hoti hai uski age jada dikhne lagti hai. Dry skin par jhuriyan aur rashes jaldi padte hai. Jada thande aur jada garam mausam mein chehre mein nami kam ho jati hai, iske ilava kisi bimari ke upchar mein li jane wali medicines ki wajah se bhi tavacha mein rukhapan aane lagta hai.

  • Skin moisturize karne ke liye haldi aur nariyal tel ka ubtan bana kar chehre par lagaye, isse face par glow aayega.
  • Nahane se pahle body par sarso ka tel lagaye, kuch din lagatar ye desi tarika apnane se dry skin ki problem khatam hoti hai.
  • Aloevera skin ke liye natural beauty product hai, aloe vera ke patte ko beech mein se kaat kar chehre par ragde, isse face par jami dhul mitti ke kan bahar nikalte hai aur chehra saaf hota hai.
  • Rukhi tavacha ka upay karne ke liye shahad ka paryog utam hai. Shahad ek natural moisturizer ki tarah kaam karta hai.
  • Doodh ki malayi mein haldi mila kar face par lagane se rang gora hota hai. Jane
    Rang Gora Kaise Kare.

Sawle Rang ko Gora Karne ke Upay | Gharelu Nuskhe for Face Beauty Tips in Hindi.

oily skin

1. Rang gora karne ke liye nimbu ke ras mein haldi mila kar lagane se fayda milta hai. Jinki skin oily hai unke liye bhi ye upay acha hai.
2. Besan, doodh ki malayi aur haldi ko mila kar paste bana le aur face par lagaye. Jinki tavacha oily hai vo ye nuskha na kare. Rukhi tavacha wale is skin care tips ko apna sakte hai.
3. Apple cider viginer, haldi aur aloevera juice ko mila kar ek paste bana le aur chehre par lagaye. Is paryog ko karne se chehre ka sawlapan door hone lagta hai.
4. Chehre mein chupi mitti aur dhul ki wajah se bhi pimples aur kil muhase nikalte hai. Skin care ke liye chehre ko bhap dena kafi acha hai. Isse chehre ke rom chidar mein jama mitti, tel aur dead skin nikal jati hai.
5. Face ke rom chidro se mel nikalne ke liye jaruri hai ki face wash karte rahe khas kar tab jab aap kahi bahar se ghar aaye ho.
6. Chehre se dead skin nikalne ke liye kacha papita kaat kar chehre par male, isse face par nikhar bhi aayega.
7. Doodh mein shahad aur gulab ke patte mila kar paste bana le. Chehre ka rang saaf karne aur nikhar lane ke liye ye utam upay hai.
8. Paka hua tamatar aur ananas ka face pack bana kar chehre par lagane se
twacha ka kalapan kam hota hai aur gorapan aane lagta hai.
9. Aawla powder, besan, dahi aur haldi ko mila kar ek lep bna le ab isme thoda nimbu ka ras aur aelo vera juice mix kare. Is facial pack ko chehre par lagane se skin moisturize hogi aur kale dhabe bhi khatam honge.
10. Tulsi ke lep lagane se bhi chehra khil (glowing face) uthata hai.

Last Word :

Beauty Tips – Dry or Oily Skin Care Kaise Kare ye jankari aapko kaisi lagi humejarur bataye, Beauty Tips puri tarha se gharelu tariko par adharit hone se aapke skin ko koi bhi nuksaan nhi hoga isliye in upay ko try karke aap accha result pasakte hai.

Ye bhi padhe :

1 COMMENT

  1. Oily skin can give tough time to everyone. Acne, blackheads, and whiteheads maybe are the reason of oily skin. Oily skin destroys the face beauty and you also lose the attraction from others. But in this article, you explain very simply easy tips that how to get from it. Thanks for sharing this information with us.

LEAVE A REPLY

Please enter your comment!
Please enter your name here